Влаховиќ потпиша за Бешикташ, а во Истанбул пристигна со две гајби домати (ВИДЕО)

Душан Влаховиќ и официјално е нов фудбалер на турски Бешикташ. Според информациите за тригодишен договор тој ќе добие 40 милиони евра, односно 10 милиони годишно и плус 10 милиони бонус веднаш откако ќе го стави својот потпис. Тој е веќе промовиран во новиот клуб, но на социјалните мрежи се појави интересно видео од аеродромската контрола во Истанбул. Како што информираат тамошните медиуми, Влаховиќ во Истанбул пристигнал со две гајби домати.

Beşiktaş'ın yeni transferi Vlahovic, İstanbul'a gelirken yanında 2 kasa domates getirdi. pic.twitter.com/1VxEPMFoIo

— Vaziyet (@vaziyetcomtr) August 13, 2026

Што се крие зад ова?

Според турските медиуми, Влаховиќ ги донел доматите на подарок за членови на раководството на турскиот тим кои биле во Белград на преговори со него и неговиот менаџер. Таму биле на ручек, а меѓу останатото биле воодушевени од вкусот на доматите во Белград. Поради тоа Влаховиќ одлучил да им донесе две гајби.