Во ЛШ го гледаме најголемото дерби досега, останаа само три тима со максимален ефект, кој ќе падне?!

Двете екипи во најдобра форма во моментов и првите кандидати за освојување на Лигата на шампионите, Арсенал и Баерн, вечерва се среќаваат во големото дерби од петтото коло на ова натпреварување.

Стадионот Емирати во северен Лондон ќе биде сцена на вистински спектакл. Арсенал и Баерн играат фантастичен фудбал оваа сезона и многумина ги гледаат на самиот крај, во борбата за титулата европски првак.

Исто како и во домашните шампионати, одлично им оди и во Лигата на шампионите, па тие се два тима со максимални 12 поени на врвот. Заедно со нив, Интер е третата екипа со максимален учинок.

Но, вечерва не можат двете екипи да се радуваат и ќе видиме кој ќе се снајде подобро во дуелот меѓу Топџиите и Баварците. Блага предност, исклучиво поради домашниот терен, му се дава на лидерот на англиската Премиер лига.

Од друга страна, Интер му гостува на Атлетико Мадрид, па останува да се види која од овие три екипи ќе продолжи со максималниот учинок.

ЛШ парови/среда

Копенхаген-Каират Алмати (18:45 часот)

Пафос – Монако

Арсенал – Баерн Минхен (20:45 часот)

Атлетико Мадрид  – Интер

Ајнтрахт Франкфурт – Аталанта

Ливерпул – ПСВ

Олимпијакос – Реал Мадрид

ПСЖ-Тотенхем

Спортинг – Клуб Бриж