Во недела сите во сала, поддршка треба, влезниците пуштени во продажба македонски тим на чекор до европска титула!

 Управата на Алкалоид денес ги пушти во продажба билетите за реваншот со АЕК од финалето на Европскиот куп во ракомет.

Билетите за финалето на ЕХФ Европскиот Куп меѓу екипите на РК Алкалоид и АЕК што ќе се игра на 25 мај во салата „Борис Трајковски“ во Скопје од 20:30ч. се пуштени во продажба!

Продажбата на билетите се реализира преку продажната мрежа на „МКТикетс“, а цената на билетите е 200 и 300 денари.

Актуелниот освојувач на Купот на Македонија вчера, на првиот дуел од финалната пресметка победи во Атина со 29:25.