За кого Ѓоковиќ „свиреше виолина“ на теренот при прославата на првата сезонска победа?! (ВИДЕО)

Српскиот тенисер Новак Ѓоковиќ на одличен начин ја започна новата сезона со победа во Бризбејн, а вниманието на навивачите го привлече неговото славје по дуелот со Ринки Хиџиката.

Novak Djokovic playing the violin for his daughter who is in attendance. ❤️ pic.twitter.com/LT6WjIL358

— Danny 🐊 (@DjokovicFan_) December 31, 2024

Во осминафиналето на АТП турнирот 250 во Бризбејн, Ѓоковиќ го надигра локалниот претставник и 73. играч во светот Ринки Хиџиката со резултат 2:0, по сетови 6:3 и 6:3. Откако ја запечати судбината на Австралиецот со втор брејк во вториот сет, Ѓоковиќ славеше „свирејќи на виолина“, што во последно време е релативно вообичаен начин за славење на достигнувањата на теренот. Како што објасни, тоа е прослава која ја посветува на својата ќерка Тара, која почнала активно да свири на овој инструмент.