Заврши летната сапуница-Винисиус Жуниор го обнови договорот со Реал Мадрид, еве го официјалното соопштение

Реал Мадрид  официјализира две големи зделки. Прво, трансферот на Јан Диоманде за вкупна сума од околу 140 милиони евра заедно со бонусите и второ, обновувањето на договорот со Винисиус Жуниор до 2032 година.

“Реал Мадрид  и Винисиус Жр. се согласија на продолжување на договорот на нашиот играч, кое го врзува со клубот до 30 јуни 2032 година.

Винисиус Жр. се приклучи на Реал Мадрид во јули 2018 година на возраст од 18 години. Во своите осум сезони носејќи го нашиот дрес, има одиграно 375 натпревари, постигнато 128 голови и освоено 14 титули: 2 Лига на шампиони, 3 Светски купови за клубови, 2 Суперкупови УЕФА, 3 титули Ла Лига, 1 Куп на кралот и 3 Шпански суперкупови.

Неговиот придонес во сите овие титули беше одлучувачки благодарение на играта, асистенциите и головите, вклучувајќи ги и тие што ги постигна во двете последни финалиња на Лигата на шампионите што ги освои Реал Мадрид: Четиринаесеттото (Париз, 2022) и Петнаесеттото (Лондон, 2024).

Во овој период со Реал Мадрид, Винисиус го освои признанието Најдобар играч на ФИФА за мажи 2024, беше прогласен за Златна топка на Интерконтиненталниот куп 2024, Најдобар играч на Лигата на шампионите 2023-2024, Златна топка на Светскиот куп за клубови 2022 и Најдобар млад играч на Лигата на шампионите 2021-2022.

Исто така, беше вклучен во ФИФА World XI (2024), два пати во ФИФА ФИФПро World11 (2023 и 2024) и три пати во Тимот на сезоната на Лигата на шампионите (2021-2022, 2022-2023 и 2023-2024).

Винисиус Жр. стана еден од најважните играчи во една од најуспешните периоди во нашата историја”, се вели во официјалното соопштение на мадридскиот клуб.