Зимско изненадување на Ливерпул – многу потребно засилување од 30.000.000!

Фудбалскиот клуб Ливерпул ќе донесе засилување во зимскиот преоден рок поради повредата на Жоел Матип.

Стоперот ја заработи најтешката повреда, предните вкрстени лигаменти и оваа сезона за него е завршена, па Ливерпул ќе се обиде да донесе адекватна замена.

Наводно, желба на Јирген Клоп е дефанзивецот на Волфсбург, Максен Лакроа.

Станува збор за 23-годишен Французин, кој во летото 2020 година од Сошо пристигна во Волфсбург за пет милиони евра.

Висок е 190 сантиметри, исклучително е силен, но и брз и е по вкусот на Јирген Клоп.

Тој има договор до јуни 2025 година, а се верува дека за негов трансфер се доволни околу 30 милиони евра.

Во Ливерпул се свесни дека не можат да останат само со Ван Дајк и Конате, а Гомез како единствена и не најдобра опција во ротацијата.

Нов стопер е приоритет во зимскиот преоден рок, а погледнете за каков играч се работи:

Liverpool target Maxence Lacroix 🇫🇷 ✨https://t.co/NCg5oTm6j2

— Anything Liverpool (@AnythingLFC_) December 7, 2023