Ѕвезди кои не играат за земјата во која се родени, меѓу нив е и Халанд
Мадридскиот весник АС објави список на играчи кои играат за земја во која не се родени.
На списокот има 21 фудбалер, а интересно е што на него е и норвешкиот репрезентативец Ерлинг Халанд. Можеби многумина не знаеја за тоа, но sвездата на Борусија Дортмунд е родена во Англија, во Лидс, но игра за земјата на неговиот татко.
Сергеј Милинковиќ-Савиќ е роден и израснат во Леида, Шпанија, но тој игра за Србија и никогаш не размислувал за промена на националниот тим.
Ријад Махрез го претставува Алжир, иако е роден во францускиот град Сарсе. Тој е во Алжир од 2014 година, кога дебитираше и во таа земја важи за еден од најдобрите играчи, што е точно.
Иван Ракитиќ е роден во Швајцарија, најпрво играше за младинските репрезентации на таа земја, но на крајот челниците на ХНС успеаја да ги убедат него и неговите родители да стане член на А репрезентацијата на Хрватска со која беше светски вицешампион пред две години.
Тијаго Алкантара е роден во Италија, но всушност е шпанско-бразилски фудбалер, и на крајот избра да игра за Шпанија. Хаким Зијех, sвездата на Челзи, игра за Мароко, иако е роден во холандскиот град Флеволанд, каде ја разви својата спортска кариера.
Гонзало Игуаин по потекло е Французин, но го паметиме како Аргентинец. Тој ја одбра Аргентина како момче и игра со голема страст за оваа репрезентација.
Жоргињо е Бразилец, но има италијански пасош и е член на Италија од 2012 година, како во младинска така и во сениорска конкуренција. Рахим Стерлинг е роден во Јамајка, но пораснал во Англија, а Англија отсекогаш била негов избор.
Пјер-Емерик Обамејанг е роден во Лавал, Франција, но од самиот почеток сакаше да игра за земјата од каде потекнува неговиот татко – Габон, исто како што Жоел Матип, роден во Бохум, го избра Камерун наместо Германија.
Ашараф Хакими имаше двојно државјанство, роден е во Мадрид во 1998 година, но сега е марокански играч. Хакан Чалханоглу е член на турската репрезентација многу години, иако е роден во Манхајм во семејство на турски имигранти во Германија. Германската федерација се обиде да го убеди да игра за Германија, но тој ја одби таквата можност.
