Албанска фудбалска федерација се извинува за навредите на Даку кон Македонците и Србите на Европското првенство

Албанската фудбалска федерација изрази жалење поради однесувањето на напаѓачот Мирлинд Даку на Европското првенство 2024. По ремито со Хрватска во второто коло од групната фаза, Даку користејќи мегафон пред навивачите, ги навреди Македонците и Србите.

Федерацијата во соопштение потенцираше дека емоциите за време на натпреварот довеле до несреќна реакција на Даку, кој подоцна изрази каење и публично се извини, признавајќи ги последиците од своето однесување.

Неговите постапки не ги одразуваат неговите лични вредности ниту тие на федерацијата, стои во соопштението.

УЕФА иницираше постапка против Даку и се очекуваат санкции за неговото однесување на турнирот.