Алегри: Би било кукавички да го напуштам Јувентус сега
Фото: Juventus’ head coach Massimiliano Allegri stands at the side line during the Europa League semifinal second leg soccer match between Sevilla and Juventus, at the Ramon Sanchez Pizjuan stadium in Seville, Spain, Thursday, May 18, 2023. (AP Photo/Jose Breton)
Тренерот на Јувентус, Масимилијано Алегри изјави дека би било „кукавички“ да го напушти клубот, по лошите резултати и одземањето на десет бода во Серија А, поради книговодствена измама.
Би било кукавички да го напуштам Јувентус во овој момент“, изјави Алегри, пренесува Скај.
Само неколку недели откако беше суспендирано првобитното одземање на 15 поени, на клубот од Торино му беше изречена нова казна во понеделникот вечерта, со која беа однесени од второто на седмото место во Серија А.
Фудбалерите на Јувентус беа поразени со 4:1 на гостувањето кај Емполи во понеделникот вечерта, во натпреварот од 36.коло во Серија А.
„Разочаран сум бидејќи тоа беше можност, но исто така не можам да го обвинам тимот“, додаде тој.
Претходно, директорот на Јувентус, Франческо Калво изјави дека раководството на клубот има „безусловна доверба“ во Алегри и покрај тоа што беше елиминиран во полуфиналето на Лига Европа од Севиља.
На две кола пред крајот Јувентус е на седмото место со 59 бодови и се уште има шанси за пласман во Лигата на шампионите. Следниот меч го играат на домашен терен против Милан, еден од ривалите за Лигата на шампионите.
Серија А
Лига Европа
