Алвеш: Целиот фудбалски свет е фокусиран исклучиво на парите

Дани Алвеш неодамна се врати во Барселона и на 38 години се согласи да игра за минимум, кој го пропишува Шпанскиот фудбалски сојуз.

Легендарниот Бразилец ќе заработува 150.000 евра по сезона, а како што вели никогаш не бил премногу заинтересиран за пари.

„Целиот фудбалски свет е фокусиран исклучиво на парите. Не сум од таа приказна. Не го направив затоа што ги доживеав двете страни во животот, како е да се живее без пари и со нив… Милион, два или повеќе ништо не ми значат во животот… На крајот, што ќе однесеме во гроб со нас? Јахтите, скапите автомобили и приватните авиони сигурно не… Само спомени и успеси. Кога ќе умрам, би сакал луѓето да кажат: Тој беше фудбалер кој размислуваше поинаку од другите“, изјави Алвеш.

Дани Алвеш играше во Барселона од 2008 до 2016 година и со каталонскиот клуб освои се што може да се освои. Потоа играше за Јувентус, ПСЖ и Сао Паоло.