Аргентинците го пронајдоа шишето на голманот на Англија, погледнете ја реакцијата на Меси кога му преведоа што пишува за него (ВИДЕО)

Аргентина во уште едно големо дерби обезбеди пласман во финалето на Светското првенство, откако по драматичен пресврт ја совлада Англија со 2:1. Сепак, покрај славјето на теренот и историскиот пресврт, главна тема во светските медиуми стана необичен и комичен момент снимен веднаш по последниот судиски свиреж.

Додека Англичаните тагуваа, аргентинските репрезентативци на теренот го пронајдоа шишето на англискиот голман Џордан Пикфорд и на него открија строго чувана тајна што требало да послужи во случај натпреварот да се решава со изведување пенали.

Како дел од деталната подготовка за можната пенал-серија, Пикфорд на своето шише имал залепено лист со белешки и упатства за тоа како аргентинските фудбалери ги изведуваат пеналите.

🚨 𝗡𝗘𝗪: Lip readers have deciphered the CONVERSATION between Leo Messi, Nico González, Senesi and a member of Argentina’s staff after they found Jordan Pickford’s water bottle with a penalty taker list ahead of a potential penalty shootout in the World Cup semi-final against… pic.twitter.com/l6qKUMWjhF

— The Touchline | 𝐓 (@TouchlineX) July 16, 2026

На списокот се нашле имињата на клучните аргентински ѕвезди, меѓу кои Лаутаро Мартинез, Хулијан Алварез, Енцо Фернандез и Лионел Меси. До секое име стоеле прецизни инструкции за голманот, како на пример: „лажно тргни налево – скокни надесно“, „остани на средината – почекај“ или „скокни надесно – испружи ја ногата“.

Камерите го забележаа моментот кога Нико Гонзалез, Лионел Меси и дефанзивецот Маркос Сенеси внимателно го разгледуваа шишето. Наскоро читачи од усни го дешифрираа нивниот разговор, кој веднаш стана вирален:

Нико Гонзалез: „Погледнете што најдов. Има белешки за Лаутаро, Хулијан…“

Член на стручниот штаб: „Да, сите играчи се наведени.“

Лионел Меси: „Што?! Но, што значат овие белешки?“

Член на стручниот штаб: „Сенеси, прочитај ти… Ти зборуваш англиски.“

Маркос Сенеси: „Пишува на која страна треба да се фрли голманот…“

Лионел Меси: „Мислиш на голманот (Пикфорд)?“

Маркос Сенеси: „Да. За тебе, Лео, пишува: ‘Преправај се дека одиш налево, но фрли се надесно’.“

Лионел Меси (со насмевка): „Голманот навистина детално проучувал како ги изведувам пеналите…“

Иако на крајот не дојде до пенал-серија, бидејќи Аргентина го реши натпреварот во регуларниот дел по големиот пресврт, капитенот на „гаучосите“ по мечот се осврна на ривалството и притисокот што го следеше овој епски дуел.

„Да загубевме од Англија, знаевме дека некои луѓе едвај ќе дочекаат можност да зборуваат глупости, но не им ја дадовме таа шанса. Исто така знаевме дека, кога станува збор за фудбал, едноставно сме подобар тим од Англија“, изјави Меси.

Аргентина во неделното финале ќе се соочи со Шпанија. Натпреварот започнува во 21:00 часот по средноевропско време.

🚨 𝗡𝗘𝗪: Lip readers have deciphered the CONVERSATION between Leo Messi, Nico González, Senesi and a member of Argentina’s staff after they found Jordan Pickford’s water bottle with a penalty taker list ahead of a potential penalty shootout in the World Cup semi-final against… pic.twitter.com/l6qKUMWjhF

— The Touchline | 𝐓 (@TouchlineX) July 16, 2026