Атлетико подготвен да го сруши клупскиот рекорд за трансфер на Феликс

Фудбалерот од средниот ред на Бенфика, Жоао Феликс, може да ја продолжи кариерата во Атлетико, а за негов ангажман „јорганџиите“ се подготвени да ја плати најголемата сума во клупската историја.

Атлетико е подготвен да издвои 120 милиони евра за трансфер на 19-годишниот Португалец.

Во моментов, најскапиот трансфер во Атлетико е на Томас Лемар за кого се платени 70 милиони евра.

Се тврди дека парите за Феликс ќе бидат распределени од продажбата на напаѓачот Антоан Гризман.

Во сезоната 2018/19, Жоао Феликс настапи на 43 натпревари во сите натпреварувања, постигна 20 гола и оствари 11 асистенции.