Баерн официјализираше уште еден трансфер
Емилијан Мету е нов играч на Баерн Минхен.
Германскиот, европскиот и светскиот шампион се договорија и за своето трето засилување од летото. Откако веќе беа потврдени трансферите на Дајот Упамекан од Лајпциг и талентираниот Англичанец Омар Ричардс, на ред е помалку познатиот Емилијан Мету.
Перспективниот фудбалер роден 2003 година потекнува од австрискиот прволигаш Св. Полтен, и потпиша договор со Баерн до летото 2025 година и првично ќе игра за резервите на Баварците.
Централниот играч за врска веќе беше на проба во Минхен и беше воодушевен, па клубот реши да потпише повеќегодишен договор со него.
Инаку, Мету ќе остане во Св. Полтен до крајот на сезоната, а потоа се сели во Минхен каде го продолжува своето фудбалско патување.
🔴⚪ Der #FCBayern verpflichtet Emilian #Metu von SKN St. Pölten!
Der Mittelfeldspieler wechselt im Sommer nach München, wo er einen Vierjahresvertrag unterschrieb. Metu (17) ist vorerst für die #FCBAmateure eingeplant. pic.twitter.com/LkOpTiDrKR
— FC Bayern Campus (@fcbayerncampus) March 2, 2021
