Баерн склучи зделка вредна 200 милиони евра, се најавуваат уште подобри денови

Според „Билд“, германскиот гигант Баерн ќе добие нова финансиска инекција.

Главниот спонзор на Баерн, германски Телеком, останува верен на Баварците и во следните четири сезони ќе добие вкупно 200 милиони евра.

Овој нов договор, објаснува Билд, ќе му помогне на клубот самоуверено да се соочи со обновувањето на договорите на многу од неговите ѕвезди, вклучувајќи го и Роберт Левандовски, чиј договор е до летото 2023 година.

Билд додава дека овој договор дури може да му помогне на Баерн да тргне по Ерлинг Халанд. Со оглед на претрпените загуби за време на пандемијата на коронавирус, ова ќе значи многу за Баварците.

Секако, ова не е единствениот ваков договор или било каков приход во германскиот шампион, но парите од главниот спонзор сепак ќе му обезбедат на клубот да заврши некои од најважните задачи.

Баерн успеа да ги продолжи договорите на некои играчи, но поради големите очекувања, некои ѕвезди си заминаа. Претходно Давид Алаба (се пресели во Реал Мадрид како слободен играч), а сега стоперот Никлас Суле реши на лето да потпише за Борусија Дортмунд.

Во иднина најмногу ќе се зборува за полскиот напаѓач, најдобриот стрелец и играч на Баерн, со кој се би требало да се заврши до летото, но прашање е што сака самиот Полјак и дали Баерн планира да се потпира на него во иднина.

Баерн беше во сигурна резултатска криза, но синоќа ја покажа сета своја моќ бидејќи во реваншот од осминафиналето на Лигата на шампионите го совлада Салцбург со 7:1, додека во Германија засега го држи првото место.