Барселона денес останува без тренер?

Многу лесно може да се случи Барселона да остане без тренер.

После губењето на титулата синоќа, имаше големо разочарување во Барселона, а тренерот кој успеа да го наследи Ернесто Валверде оваа зима во најголем дел е виновен за неуспехот.

Се очекуваше многу од Сетиен, кога доби шанса да го преземе великанот од Каталонија, но само шест месеци подоцна тој е на излезната врата и се чини дека е само прашање на време кога клубот ќе објави дека се бара нов тренер.

Денеска во Барселона се одржува средба меѓу претседателот на клубот, Жозеп Марија Бартомеу и Сетиен, а првиот човек на клубот, наводно, ќе му се заблагодари на Сетиен за тоа што досега го сторил и му посакувам среќа во продолжението на својата тренерска кариера.

Како што стојат работите сега, Сетиен нема да ја предводи Барселона во реваншот од осмина финалето од Лигата на шампионите против Наполи во август, откако првиот дуел заврши со резултат 1:1.

Што се однесува до новиот тренер на Барселона, тоа би можело да биде Чави, а се споменува Роналд Куман, како и неколку други тренери и претежно поранешни вработени во Барселона.