Бенфика-Реал Мадрид, меч за кој ќе се зборува подолго време, имаше се и сешто (ВИДЕО)

Во фудбалската Лига на шампиони, бранителот на трофејот, ПСЖ вечерва успеа да слави победа над Монако иако губеше со 2:0 по 18 минути игра.

Фоларин Балогун ги постигна двата гола за Монако. Во 22. минута, играчот од средниот ред на парижаните Витиња промаши пенал. Пет минути подоцна, напаѓачот Десире Дуе влезе во игра за повредениот Усман Дембеле. Дуаи постигна гол веднаш по влегувањето во игра и му асистираше на Ашраф Хакими непосредно пред полувремето за израмнување.

На почетокот на второто полувреме, рускиот играч од средниот ред Александар Головин го фаулираше Витиња, заработувајќи жолт картон. По интервенција на ВАР, судијата ја смени својата одлука и го исклучи Русинот. Во 67. минута, Дуе постигна уште еден гол за победа на ПСЖ.

Реваншот ќе се одржи во Париз на 25 февруари.

Во Лисабон, во тензичен натпревар Реал Мадрид ја победи Бенфика со 1:0. Единствениот гол го постигна Винисиус Жуниор во 50. минута. Бразилецот славеше до корнер знамето, по што натпреварот беше прекинат поради наводни расистички навреди упатени кон него. Натпреварот продолжи неколку минути подоцна. Но, фудбалерот кој е посочен дека го сторил тоа, негира:

– Сакам да разјаснам дека никогаш не сум употребил расни навреди кон Винисиус. Тој, за жал, погрешно го протолкува она што мислеше дека го слушнал. Никогаш не сум бил расист кон никого и жалам за заканите што ги добив од играчите на Реал Мадрид, напиша Престијани на социјалните мрежи.

Реваншот ќе се игра во Мадрид.

Со предност од 2:0 се стекна Борусија Дортмунд во пресметката со Аталанта. Серу Гираси го отвори резултатот во 3. минута. Кон крајот на првото полувреме Максимилијан Баер го дуплираше водството на тимот од Дортмунд. Во второто полувреме не беа постигнати голови.

Реваншот ќе се одржи во Италија на 25 февруари.