Борусија одби неверојатна понуда за Санчо

Борусија Дортмунд неодамна отфрли неверојатна понуда за младиот англиски фудбалер Џејдон Санчо.

Според шпанскиот АС, тимот од Дортмунд неодамна имал понуда од Манчестер Јунајтед за 20-годишниот фудбалер, а „црвените ѓаволи“ понудиле дури 140 милиони евра.

Сепак, раководството на Борусија не ја прифати оваа понуда. Тие мислеа дека можат да заработат повеќе пари во текот на летото, но потоа следеше пандемија на коронавирус и лесно може да се случи германскиот гигант да се покае.

Речиси е сигурно дека нема да има големи трансфери одреден период. Нереално е да очекуваме понудата на Јунајтед повторно да биде иста, и ќе видиме дали Санчо воопшто ќе го напушти Дортмунд.

Покрај Јунајтед, одличниот Англичанец се поврзува и со Реал Мадрид, но и со Ливерпул и Челзи, така што одлуката за нов тим воопшто нема да биде лесна.

Тој е фантастичен оваа сезона. Постигна 20 голови и забележа 20 асистенции на 39 настапи за Борусија.