Connect with us

Фудбал

Бразил и Аргентина ќе играат на 11 јуни во Мелбурн

Натпреварот од квалификациите за Светското првенство меѓу Бразил и Аргентина, кој беше прекинат по само четири минути кога челниците на здравствените власти упаднаа на теренот и побараа мечот да биде прекинат поради непочитување на протоколот за Ковид, е закажан за 11 јуни.

Иако и Бразил и Аргентина обезбедија пласман на Мундијалот во Катар, па дури и ја добија ждрепката, дуелот кој беше прекинат на 5 септември на самиот почеток, сепак ќе се игра.

Новиот термин е 11 јуни, а натпреварот ќе се игра во Мелбурн.

Натпреварот во Сао Паоло, одигран на 5 септември во Коринтијанс Арената, беше прекинат по само пет минути откако бразилските здравствени власти излегоа на теренот, сметајќи дека гостинските играчи ги прекршиле правилата за карантин.

Интервенцијата дојде неколку часа откако бразилските здравствени власти одлучија дека четворица аргентински играчи кои играа во Премиер лигата мора веднаш да бидат ставени во карантин бидејќи ги прекршиле протоколите. Како што е објаснето, четворицата (Џовани ло Селсо, Емилијано Буендија, Емилијано Мартинез и Кристијано Ромеро) морале да нагласат дека биле во Англија помалку од 14 дена пред да пристигнат во Бразил.

Бразилците тврдеа дека дале „лажни информации“ при влез во земјата. Во стартниот состав беа Ромеро, Ло Селсо и Мартинез.

Оттогаш единствено е решена казната за Аргентинците – ФИФА казни четворица „англичани“ Аргентинци со два меча суспензија. И двете фудбалски федерации се казнети.

 

Реклама

Facebook