Бруно Фернандеш: Кога ќе се одржи третата ждрепка?

Португалецот беше саркастичен, а јасно е дека е изреволтиран бидејќи УЕФА денеска двапати ја одржа ждрепката за осминафиналето од Лигата на шампионите.

Да потсетиме дека УЕФА го одржа првото извлекување во Нион од 12 часот, а потоа го откажа поради „техничка грешка“, за да организира ново ждрепка во 15 часот.

Манчестер Јунајтед на крајот го доби Атлетико Мадрид како ривал, иако претходно тоа беше ПСЖ и многумина се надеваа дека Лионел Меси и Кристијано Роналдо повторно ќе се сретнат.

„Кога ќе се одржи третото коло за ждрепката од Лигата на шампионите?“, напиша Бруно Фернандеш низ смеа на Твитер.

What time is the 3rd round of the draw? 😂🍿 https://t.co/7vigGbYMKF

— Bruno Fernandes (@B_Fernandes8) December 13, 2021