Брутален почеток на сезоната за Ерлинг Халанд: Постигна два гола и правеше склекови на теренот (ВИДЕО)

Ерлинг Халанд ја започна новата сезона на феноменален начин.

Откако минатата сезона ја заврши со 41 гол на 41 натпревар, тој блескаше на натпреварот од Купот против Вехен на отворањето на новата сезона.

Борусија по првото полувреме води со 2:0, а двата гола ги постигна прекрасен норвешки напаѓач во време од четири минути.

Најпрво, во 27. минута, тој го искористи одличното додавање на Ројс и го совлада противничкиот голман за предност на Борусија од 1:0.

Четири минути подоцна сето тоа го направи самиот. Тој освои пенал, а потоа го претвори во гол за водство на тимот од Дортмунд од 2:0.

Haaland was brought down in the box by the keeper and just casually did a pushup before he scored the penalty, this guy 😂🖤💛pic.twitter.com/Kltcfm33rT

— Patric (@Simplblue88) August 7, 2021

Пред да постигне гол од пенал, Халанд направи неколку склекови пред противничкиот гол.

Со овие голови, Ерлинг најави уште една феноменална сезона и неговиот престој е секако најдоброто нешто што можеше да и се случи на Борусија.

Норвежанецот се поврзува со трансфер во Челзи. На крајот, „сините“ го купија Ромелу Лукаку, а Халанд сигурно ќе биде главна ѕвезда на преодниот рок летото следната година.

Ќе биде интересно да се види колку голови ќе постигне оваа сезона, а започна навистина спектакуларно.