Чеферин не ја исклучува можноста навивачите да бидат на трибините во продолжението на ЛШ и ЛЕ

УЕФА денеска донесе одлука дека преостанатите натпревари од Лигата на шампионите и Европската лига ќе се играат во август.
Лигата на шампионите ќе се игра во посебен формат во Лисабон, додека натпреварите во Европската лига ќе се играат во четири германски градови, имено Келн, Дуизбург, Дизелдорф и Гелзенкирхен.

Натпреварите во Лигата на шампионите се играат во Лисабон, а ќе се одигра само еден натпревар во четвртфиналето и полуфиналето. Финалето на Лигата на шампионите е закажано за 23 август, додека турнирот во Лисабон започнува девет дена порано.

По оваа одлука, говореше и претседателот на УЕФА, Александар Чеферин, велејќи дека постои шанса натпреварите да се играат пред навивачите доколку се исполнети условите за тоа.

“Сегашната одлука е дека сите натпревари во Лигата на шампионите и Лигата на Европа ќе се играат пред празни трибини, но тоа може да се промени до август. Постои шанса навивачите да бидат на трибините ако условите се исправни. Не е јасно дали ќе бидат само локални навивачи или навивачи на клубови кои ќе можат да патуваат на натпреварите на своите екипи. Ние ја следиме ситуацијата околу КОВИД-19 и ќе бидеме пресреќни што ќе создадеме услови навивачите да бидат на трибините. Но, повторувам сегашната одлука е да играме натпревари пред празни трибини “, рече тој Чеферин