Челзи го надигра Шефилд Јунајтед

Фудбалерите на Челзи остварија сигурна победа на домашен терен против Шефилд Јунајтед со 4:1.

Домашниот тим беше фаворит на овој натпревар, и на крајот апсолутно ја оправдаа таа улога на теренот.

Не помина се баш добро за тимот на Челзи бидејќи примија гол на самиот почеток на натпреварот. Имено, во 9-тата минута МекГолдрик ги донесе гостите во водство.

Сепак, домашниот тим го сврте резултатот во своја полза до крајот на првото полувреме. Најпрво Абрахам израмни во 23-та минута, а водството за домашниот тим го донесе Чилвел со погодок во 34-та минута.

Уште два гола беа постигнати во второто полувреме, двата во мрежата на гостите. Стрелци беа Силва во 77.минута и Вернер во 80.минута од мечот.

Одлична партија одигра Зијеш кој запиша две асистенции, но создаде уште неколку шанси за своите соиграчи, но тие не ги искористија.