Чудни објави на фудбалерите на Реал Мадрид веднаш по веста дека Мбапе останува во ПСЖ

Д М21 мај 2022

Килијан Мбапе реши да остане во ПСЖ и ја одби понудата на Реал Мадрид.

Актуелниот договор на Мбапе со парижаните истекува на крајот на оваа сезона и многумина веруваа дека тој ќе го напушти Принц Парк ова лето, но тоа очигледно нема да се случи.

Постојано се поврзуваше со трансфер во Реал Мадрид и дури беше веројатно дека веќе се договорил со кралевите, но дојде до пресврт кој денеска ја изненади фудбалската јавност.

Мбапе ќе потпише тригодишен договор со ПСЖ и ќе стане еден од најплатените спортисти во светот. Во Шпанија се изненадени од ваквата одлука, а многумина сметаат дека парите на крајот одиграле пресудна улога.

Интересно, некои играчи на Реал Мадрид решија да се огласат на социјалните мрежи откако се појави веста дека Мбапе дефинитивно ќе остане во ПСЖ ова лето.

Карим Бензема, Лука Модриќ, Винисиус Јуниор и Родриго објавија фотографии на социјалните мрежи и во описот им се заблагодарија на навивачите за уште една одлична сезона во Ла Лига која завршува овој викенд.

Сепак, многумина веруваат дека индиректно му испратиле порака на Мбапе бидејќи силно истакнале колку се горди што се членови на Реал Мадрид. Времето на објавување на ваквите фотографии е во најмала рака сомнително, а јасно е зошто многумина мислат дека се свртеле кон Мбапе.