Дали ќе игра Дембеле за Барса? „Одлуката ќе ја донесе Чави“

Чави ќе одлучи дали Усман Дембеле ќе игра за Барселона до крајот на сезоната, истакна претседателот на каталонскиот клуб Жоан Лапорта.

Францускиот фудбалер неодамна одбил да потпише нов договор со Барселона, според странските медиуми, поради намалувањето на платата, но и покрај неколкуте понуди, не сакал да го напушти Ноу Камп во јануари.

„Сега градиме тим, а важно ни е кога ќе можеме да сметаме на следната сезона. Веројатно нема. Неговиот тим не сакаше да ги прифати условите што ги понудивме. Би можеле повторно да преговараме, но мислам дека тој не го сака тоа. Тоа што го понудивме беше многу добро, но неговите барања беа неисполнети. Се обидовме да најдеме решение за преостанатите шест месеци, да одиме во друг клуб, но тој не сакаше“, изјави Лапорта.

„Чувствувам дека има договор со друг клуб, па тешко дека повторно ќе игра за Барса. Секако, одлуката ќе ја донесе Чави“.

Barcelona president Joan Laporta: “Ousmane Dembélé won’t be here next season, I feel he has an agreement with another club – so it’s gonna be difficult to see him playing again with Barça”. 🚨 #FCB

“Of course Xavi will decide wheather Dembélé will play again or not this season”. pic.twitter.com/FJVUtVQR2W

— Fabrizio Romano (@FabrizioRomano) February 2, 2022

Каталонците во 2017 година и платија на Борусија Дортмунд 100 милиони евра за Дембеле, кој во изминатите четири години имаше многу проблеми со повреди и дисциплина.

Тој оваа сезона одигра шест натпревари во Ла Лига и забележа две асистенции.