Депај договори се со Барселона, но со еден донекаде нереален услов

Челниците на Барселона напорно работат на составување тим за следната сезона.

Каталонскиот гигант тешко ќе стигне до титулата шампион во Шпанија оваа сезона, бидејќи имаа неколку непростливи грешки.

Барселона забележа само еден триумф на последните четири натпревари, што е неприфатливо ако се борите за титулата. Во пресрет на последните две кола, тимот од Камп Ноу е трет со 76 бода и има два помалку од вториот Реал, па дури и четири помалку од лидерот Атлетико.

До крајот на сезоната, Барселона ќе се сретне со Селта на домашен терен и ќе го пречека Еибар. Од друга страна, Реал Мадрид е домаќин на Атлетик Билбао и ќе го пречека Виљареал, додека Атлетико Мадрид ќе се обиде да стигне до нова титула во Шпанија со победи против Осасуна и Ваљадолид.

Барселона и покрај тоа што ја загуби трката за титулата, работи напорно за да состави тим за следната сезона. Одамна е познато дека Ерик Гарсија ќе биде прва следна аквизиција, а се повеќе се споменува името на Серхио Агуеро, кој дефинитивно го напушта Манчестер Сити на крајот на сезоната.

Договорот на крајот на тековната сезона истекува и за Мемфис Депај од Лион, кој исто така е пред влезната врата на Барселона. Но, шпанските медиуми уверуваат дека за тоа да се случи, потребно е неговиот сонародник Роналд Куман да остане на клупата на тимот и следната сезона, што ќе биде многу тешко со оглед на најверојатната загуба на титулата, како и испаѓањето од Лигата на шампионите.

Лапорта ќе го има последниот збор за сè …