Дибала: Федерер ме „натера“ да се заљубам во тенисот

Аргентинскиот офанзивен играч на Јувентус, Пауло Дибала, во разговор за странските медиуми истакна дека секогаш му се восхитувал на Роџер Федерер.

Во еден разговор, Дибала се осврна и на своето детство и истакна дека често гледал фудбал и тенис.

 
“Како дете гледав телевизија нон стоп. Најчесто тоа беше фудбал, а потоа тенис. Секогаш му се восхитував на Федерер, ми се допаѓаше неговиот стил”, истакна Дибала.

Фудбалерот на Јувентус додаде дека тој всушност поради швајцарскиот тенисер го засака тенисот.

“За мене и за многу други тој е идеален тенисер. Тој има стил и грациозност, многумина сакаат да бидат како него. Се обидувам да не ги пропуштам неговите натпревари затоа што Роџер ме натера да се заљубам во тенисот”.