Доаѓањето на Анчелоти во Реал значи само една работа за Јовиќ

По ненадејното заминување на Зинедин Зидан на клупата на Реал Мадрид, Карло Анчелоти го презеде кормилото.

Тоа ќе биде втор мандат за прославениот италијански стручњак во Мадрид.

Анчелоти го водеше Реал Мадрид од 2013 до 2015 година и во тој период со Кралевите ги освои Копа дел Реј, Лигата на шампионите и УЕФА Суперкупот. На 119 натпревари славеше на 89 од нив, додека беше поразен 16 пати и ремизираше 14 пати водејќи ги мадридските гиганти.

Италијанецот веќе започна да го спрема тимот за следната сезона. Мадрид ќе мора да остави простор во буџетот за да ги исполни желбите на Анчелоти, така што порталот Ел Чигингито ТВ објави дека први на списокот што ќе заминат ќе бидат играчи кои се на заем низ цела Европа, а меѓу нив е и Лука Јовиќ.

Српскиот напаѓач, благо речено, потфрли во првиот мандат во Реал, за кој постигна само два гола на 32 натпревари.