Дојдоа некои нови, полоши времиња за Барселона: Бројот на навивачи на Камп Ноу кажува се

Барселона синоќа беше домаќин на Валенсија и славеше со 3:1, но евидентно е дека каталонскиот клуб е во лош период од своето постоење.

Барселона не игра скоро добро како што се очекуваше, а заминувањето на Лионел Меси ова лето дополнително го турна тимот во бездна. Победата над Валенсија ќе врати малку мир во куќата, но на сите им е јасно дека ова е еден од најмрачните периоди во историјата на клубот.

Вчера, за прв пат од почетокот на пандемијата, беше дозволен максималниот капацитет на Камп Ноу, но на крајот, од речиси 100.000 гледачи, помалку од 50 проценти, или 47.317, беа на трибините.

Самиот датум на натпреварот беше идеален, недела вечер, условите за игра беа добри, ривалот беше доста атрактивен, но се чини дека многу навивачи на Барселона не го сакаат Роналд Куман, па затоа не сакаа да го гледаат овој натпревар во живо.

И покрај ова, тоа е рекорден број гледачи за оваа сезона. Претходно дуелот со Баерн во Лигата на шампионите го гледаа 39.737 навивачи.

Меѓутоа, здравствената состојба во голема мера се промени од тој натпревар, па тогаш беа дозволени 40 проценти од капацитетот на стадионот, а синоќа дури 100 проценти. Тоа би значело во превод дека сите билети за Баерн беа распродадени во септември, а еден месец подоцна дури ни 50 проценти.

Многу фанови се откажаа од своите сезонски билети, а клубот се уште не ја имплементираше опцијата „слободно седиште“, па ако некој одлучи да не оди на натпревар, тоа место ќе остане празно и е можно за некој друг да го купи. Во следните натпревари, клубот има намера да ја мобилизира оваа иницијатива со цел да генерира повеќе приходи од билети.

Сепак, се чини дека се што се случува во и околу Барселона во последните месеци остави голема трага и дека дојдоа некои други, полоши времиња за Каталонците…