Фердинанд: На Роналдо му ја украдоа една Златна топка

Рио Фердинанд тврди дека на Кристијано Роналдо му е одземена една Златна топка во кариерата и дека тоа е во 2018 година, кога играчот од средниот ред на Реал Мадрид и капитен на хрватската репрезентација Лука Модриќ е прогласен за најдобар во светот. Според него, тогаш била направена неправда и на Португалецот му било одземено големото признание.

Прославениот поранешен англиски фудбалер одговараше на прашање за Златната топка и споредбите меѓу Лионел Меси и Кристијано Роналдо, големи ривали и дуо за кое многумина тврдат дека треба да се нарече најдобро на светот. Запрашан кој има повеќе Златни топки, Фердинанд рече: „Меси. Седум на пет. На Роналдо му беше украдена во годината кога Модриќ ја освои“.

Во 2018 година, Модриќ го заврши владеењето на Меси и Роналдо
Пред да ја освои Златната топка и да ја прекине десетгодишната доминација на Меси и Роландо, кои наизменично се менуваа како нејзини освојувачи, Модриќ беше прогласен за најдобар играч на Светското првенство, УЕФА го прогласи за најдобар фудбалер во Европа, а ФИФА за најдобар во светот.

Во 2018 година освои неколку титули со Реал, меѓу кои и една за најдобриот тим во Лигата на шампионите. Тоа беше негов четврти ваков трофеј. Со Хрватска стана светски вицешампион.

Модриќ во 2018 година доби 753 поени при гласањето за Златната топка. Кристијано Роналдо, кој беше негов соиграч во Реал таа сезона и постигна 44 гола и осум асистенции на 44 натпревари, заврш втор на гласањето со 478 поени.