Русија утринава во раните утрински часови изврши напад врз Украина, иако многумина очекуваа дека тензиите ќе се смират и дека нема да има војна.
Многу спортисти од целиот свет се огласија на социјалните мрежи за да го поддржат народот на Украина, како и возачот на Формула 1, Себастијан Фетел, кој ја воодушеви украинската јавност со својата порака.
Фетел изјави дека е шокиран од тоа што се случува во оваа земја, а се што прави Русија на Украина е ужасно.
Тој, исто така, ги изненади сите со тоа што објави дека нема да патува на трката за Големата награда на Русија и порача дека трката треба да се тргне од календарот за новата сезона.
„Утрово бев шокиран од веста од Украина. Тоа е ужасно. Како што знаете, на календарот имаме трка во Русија, но мислам дека не треба да одиме таму. Сигурно нема да одам во Русија. „Знам што мислат другите за сè, но тоа е мој став. Луѓето умираат затоа што лудакот е на власт“, рече Фетел.
