Флоренци: Милан ме сакаше повеќе од другите

Искусниот италијански репрезентативец Алесандро Флоренци пристигна во Милано и денеска потпиша за славниот клуб од Сан Сиро.

Флоренци беше на позајмица во ПСЖ, а сега Рома одлучи да го позајми на Милан, на кого му требаше играч од десно, и кој исто така ја покрива позицијата дефанзивец и крилен напаѓач.

„Прво, ме привлече желбата на Милан да потпише со мене. Тие ме сакаа повеќе од било кој, вклучително и тимови од странство, па затоа сакав да влезам во ова со голема глад и решителност. Едвај чекам да излезам на терен“, изјави Флоренци за „Милан ТВ“.

Тој ја пофали легендата на Милан, Паоло Малдини, кој прави одлична работа како директор.

„Денес, за прв пат, навистина го вкусив она што го претставува Паоло Малдини. Тој е легенда на овој клуб и има аура слична на Франческо Тоти или Даниеле Де Роси во Рома. Таквите момци се недопирливи, не само поради она што им го дадоа на своите клубови, туку и на целиот италијански фудбал“.

Флоренци го избра дресот со број 25 во Милано, бидејќи го „потсетува на среќно искуство“.

🗣️ Florenzi: "AC Milan wanted me more than anyone else"
Alessandro talks about his move to the Rossoneri 🔴⚫

🗣️ Florenzi: "Il Milan mi ha voluto più di tutti"
Le motivazioni di @Florenzi 🔴⚫ #NewPlayerUnlocked #SempreMilan pic.twitter.com/hJr9SN64UD

— AC Milan (@acmilan) August 21, 2021