ФОТО: Дали се сеќавате на Мичу, епа поради Ерлинг Халанд повторно е на насловните страници

E R25 фев 2020

Оние кои што следат Премиер лига сигурно се сеќаваат на Шпанецот, Мичиу. Во сезоната 2012/2013 беше вистинско чудо. Во дресот на Свонси едноставно „експлодираше“, таа сезона постигна 22 голови на 43 меча во сите конкуренции и го предводеше тимот до трофеј во Лигата купот, иако претходно за само 2 милиони евра од Рајо Ваљекано пристигна во дресот на „Лебедите“.

Стигна и да дебитира за Шпанија.

Сепак, следната сезона се „загуби“. Следуваше позајмица во Наполи, но таму уште повќе „потона“. Па неговата слава кусо траеше.

Сепак, на него се сети новото чудо Ерлинг Халанд, кој рече дека токму Мичу му е инспирација.

Поради тоа овој одлучи да му испрати дрес со посвета. Мичу благодарејќи на 19-годишниот Халанд повторно ги полни насловните страници на спортските весници.