Фудбалерите на Барселона дури и не зборуваат на теренот

Барселона се наоѓа во исклучително лоша ситуација оваа сезона. Под водство на тренерот Роналд Куман, резултатите се разочарувачки, а односот помеѓу играчите е сè полош и полош.

Фудбалерите на каталонскиот тим очигледно тешко го прифаќаат фактот дека губат натпревари во шпанскиот и европскиот фудбал. Сега ситуацијата е променета, тие се далеку од врвот, а многумина сметаат дека Куман е виновен за сè, но и лошиот став во соблекувалната.

Фудбалерите на Леванте, кои неодамна беа поразени со 1-0 на „Камп Ноу“ со подоцнежниот погодок на Лионел Меси, им открија на новинарите дека „чудни работи се случуваат на теренот“.

Неколкумина од нив открија дека забележале дека воопшто нема комуникација меѓу играчите на Барселона.

“Не можат да се слушнат како зборуваат едни со други. Не на терен, но не можете да го слушнете тоа во тунелот, на патот кон соблекувалната. Дури и по победата, тие не разговараа едни со други”, им рекоа на новинарите играчите на Леванте, чии имиња не беа соопштени.