Фудбалскиот храм станува вселенски брод: Во среда концерт, во петок кошарка, во недела фудбал… (ВИДЕО)

Современата технологија ќе му овозможи на Реал Мадрид да го добие најмодерниот мултифункционален објект во светот.

Сонот на Флорентино Перез да одржи низа големи настани на истото место за неколку дена е близу до исполнување.

Имено, на стадионот „Сантијаго Бернабеу“ започна работата за поставување тревник што може да се извлече и да се повлече.

Имајќи предвид дека култниот стадион се наоѓа во строгиот центар на Мадрид, потребно е да има многу слободен простор и за овој проект.

Тие најдоа решение со копање на 30-метарска „пештера“ под една од трибините, а машините веќе започнаа со ископување.

⭐⭐⭐⭐⭐🏟
¡¡IMPRESIONANTE!! Así funcionará el césped retráctil del Santiago Bernabéu 💜😲

📹 TW: @JavierCaireta https://t.co/GkrJEkOU2I

— MARCA (@marca) January 28, 2021

Бидејќи стадионот на Реал ќе има и подвижен покрив, откако ќе се реализира проектот за подвижното поле, ќе биде многу лесно да се организираат и други настани, освен натпревари.