Галардо го пропушта финалето на Копа Либертадорес

Тренерот Марсело Галардо доби суспензија на четири натпревари по што нема да може да го предводи својот тим Ривер Плејт во финалето на најсилното клупско фудбалско натпреварување во Јужна Америка – Копа Либертадорес.

Галардо е казнет парично со 50 илјади долари.

Ваквите санкции врз 42-годишен фудбалски експерт се изречени поради непочитување на претходна санкција.

Имено, Галардо кој беше под суспензија, во полуфиналето на Купот на Либертадорес против бразилски Гремио, влезе во соблекувалната на тимот.

Аргентинскиот клуб победи со резултат 2:1 и стигна до финалето.

Гремио се жалеше и бараше службен пораз за Ривер Плејт, но дисциплинската комисија само го санкционираше Галардо.

Така, тренерот нема да може да присуствува на финалните натпревари од Купот на Либертадорес со Бока Јуниорс, закажани за 10 и 24 ноември.