Галатасарај претстави пет врвни засилувања во еден ден
Дури пет нови играчи во едно соопштение претстави турскиот гигант Галатасарај.
Европските гиганти би им позавиделе: Галатасарај претстави пет врвни засилувања
Галата немаше најдобар старт на сезоната, но клубот автоматски ја постави целта – титулата со доведување на врвни засилувања. Ништо друго нема да се прима, дури и откако ќе се дознае дека во клубот пристигнале некои врвни мајстори.
Во четвртокот вечерта Галата ги воодушеви своите навивачи и го потврди доаѓањето на пет играчи. Пристигнаа Хуан Мата, Мауро Икарди, Милот Рашица, Јусуф Демир и Матијас Рос.
Видеото објавено на социјалните мрежи, кое официјално ги претстави играчите, беше исклучително храбар и уникатен кадар. На него се прикажани петте гореспоменати играчи како излегуваат од спортски автомобили облечени во смокинг.
На крајот сите се собраа и позираа во дресот на Галатасарај додека во позадина свиреше музика.
Икарди пристигнува од ПСЖ откако стана јасно дека нема место покрај Мбапе, Нејмар и Меси. За францускиот шампион постигна 38 гола на 92 настапи, а претходно за Интер постигна неверојатни 124 пати на 219 натпревари.
34-годишниот Мата пристигна како слободен играч од Манчестер Јунајтед, додека стоперот Рос (21) дојде во тимот од дански Алборг. Рашица (26) доаѓа на позајмица од Норич во Англија, а 19-годишниот Демир потпиша на постојан трансфер од Рапид. Минатата сезона беше позајмен во Барселона.
Некои од нив несомнено ќе дебитираат утре во натпреварот од 6. коло на турската Суперлига кога Галата ќе му гостува на Касимпаши.
Галатасарај по пет натпревари има 10 бода и е на седмото место, додека градскиот ривал Бешикташ е лидер со 13 бодови.
Günaydın #Galatasaray Ailesi pic.twitter.com/h1ghNMaTbd
— Galatasaray SK (@GalatasaraySK) September 9, 2022
