Главниот напаѓач на Италија нема да го започне натпреварот против Хрватска поради PlayStation

Хрватска и Италија во понеделник од 21:00 часот во Лајпциг ќе одиграат клучен натпревар за минување од групата Б во Лајпциг. По две кола, Шпанија има шест бода, Италија три, а Хрватска и Албанија по еден, а јасно е дека дуелот меѓу „аѕурите“ и „коцкестите“ ќе одлучи кој ќе оди во осминафиналето.

Италијанските медиуми пренесуваат дека тренерот Лучијано Спалети ќе направи бројни промени во тимот што настапуваше досега, а најинтересната промена ќе се случи во нападот. Имено, првиот напаѓач Џанлука Скамака ќе заврши на клупата за резервни играчи и тоа од прилично бизарна причина. Тој го прекрши правилото на италијанскиот селектор за забрана на игрите на Плејстејшн за време на еврото, а наместо него во стартниот тим против Хрватска ќе биде Матео Ретеги. Исто така, на десната бековска позиција ќе отсуствува Џовани Ди Лоренцо, а наместо него ќе игра Матео Дармијан. Жоргињо најверојатно ќе биде преселен на клупата, а на негово место би можеле да играат Николо Фаџоли или Брајан Кристанте.