Голот на Стерлинг за Сити беше доволен за победа против Арсенал

Во петтото коло од англиската Премиер лига Манчестер Сити беше домаќин на Арсенал, и оствари минимална победа со резултат 1:0.

Можеби се очекуваше повеќе од дербито на „Етихад“, но сепак на крајот само еден гол беше доволен за новите три бода на тимот на Пеп Гвардиола.

Од самиот почеток Сити воспостави доминација, а стигна до целта во 23-та минута. Рахим Стерлинг ја стави одбиената топка во мрежата на „топџиите“ и кој би рекол дека тоа ќе биде и последниот и единствениот гол на вечерашниот натпревар.

Сити продолжи да биде подоминантен, постојано напаѓаше и ја одржуваше топката во своите нозе, но не успеа да обезбеди нов гол, додека Арсенал немаше сили да извлече барем бод од тешката игра на гости.

За Сити ова е втора победа во шампионатот, додека Арсенал го забележа вториот пораз. Топџиите се петти со девет бода, додека лидерот Евертон има 13 бода. Сити сега е 10-ти со седум бода.