„Гвардиола еден ден би можел да биде тренер во Серија А“

Менаџерот на Манчестер Сити, Пеп Гвардиола, своевремено играше за Бреша и кратко време за Рома, а во иднина би можел да работи и како тренер во Серија А.

Извршниот директор на Манчестер Сити, Феран Сориано, изјави дека Пеп Гвардиола еден ден би можел да биде менаџер во Серија А.

Сопствениците на Манчестер Сити купија мнозински удел во Палермо, а Соријано присуствуваше на прес-конференција во понеделникот на која ги изложи плановите на клубот за иднината и организацијата под нова сопственост.

Едно од прашањата што му беше поставено на Соријано беше дали разговарал со Пеп Гвардиола по одлуката да го купи Палермо.

„Тој праша дали е сончево во Палермо. Можеби еден ден ќе работи тука, изјави Соријано за италијанските медиуми.

Гвардиола никогаш не бил тренер на ниту еден клуб од Серија А, но играл во Италија во раните 2000-ти за Бреша и Рома.

„Тој знае се што правиме и одлично го познава италијанскиот фудбал. Како и секој друг, тој е возбуден поради оваа зделка. Имаме буџет кој треба да ни овозможи да останеме во Серија Б и да се обидеме да влеземе во Серија А. Имаме сон за победа, но треба да имаме и амбиција, понизност, интелигенција и трпение“, изјави првиот човек на „Граѓаните“.

Manchester City CEO Ferran Soriano reveals that Pep Guardiola could coach in Serie A one day. https://t.co/eTcnyGNjj4 #MCFC #SerieA #Calcio #Transfers #Palermo #SerieB

— Football Italia (@footballitalia) July 4, 2022