Халанд фудбалер на годината во Англија во изборот на ПФА

Норвешкиот фудбалер и напаѓач на Манчестер Сити, Ерлинг Халанд е прогласен за фудбалер на годината во Англија од страна на Здружението на професионални фудбалери (ПФА).

Наградата за најдобар млад фудбалер му припадна на англискиот напаѓач на Арсенал, Букајо Сака.

Халанд постигна 52 гола во сите натпреварувања во својата дебитантска сезона во Премиер лигата.

Сити минатата сезона ја заврши со освојување на Лигата на шампионите, Премиер лигата и ФА Купот.

Халанд пристигна во Сити во јуни 2022 година од Борусија Дортмунд за сума од 51,2 милиони фунти.