Херојот на Аргентина се заплака пред камерата: Отсекогаш го сонував овој момент (ВИДЕО)

Фудбалскиот репрезентативец на Аргентина, Лаутаро Мартинез, беше совладан од емоции за време на интервјуто по полуфиналниот натпревар на Светското првенство против Англија.

Ѕвездата на Интер го постигна решавачкиот гол за победата на Аргентина со 2:1, со што беше обезбеден големиот финален дуел против Шпанија. Мартинез беше толку преплавен со емоции што мораше накратко да го прекине разговорот откако изговори само неколку зборови на почетокот од интервјуто.

😢 Estos 30 segundos de Lautaro demuestran por qué el fútbol va mucho más allá del campo.

''Desde que mi viejo me compró unos botines, siempre soñé con hacer este gol''#FIFAWorldCup #MundialRTVE pic.twitter.com/OY67pAAcmY

— Teledeporte (@teledeporte) July 15, 2026

„Не знам, навистина е така…“

Откако се созеде, напаѓачот успеа да објасни колку му значи овој момент.

„Многу е силно, навистина многу силно. Отсекогаш сонував да го постигнам овој гол, уште од првиот пат кога татко ми ми купи копачки“, изјави Мартинез.

Лаутаро беше исклучително емотивен, мораше да направи уште една пауза и длабоко да вдише пред да продолжи со изјавата.

„Успехот им го посветувам на мајка ми, која, кога заминував во Расинг, никогаш не престана да ми го мести креветот. За мене тоа значи повеќе од гол или финале. На моите деца, кои ми го променија животот. Тие ме натераа да забавам и да го ценам сето она што го доживувам. Сега сум возрасен човек. Јас сум маж и уживам во животот“, рече Аргентинецот.

Напаѓачот откри и дека имал силно претчувство пред да излезе на теренот.

„Сонував за ова, се колнам. Му реков на Мек Алистер дека ќе постигнам гол, а на Факу Медина му кажав дека ќе влезам и ќе го решам натпреварот“, изјави Лаутаро.