Хуго Лорис го продолжи договорот со Тотенхем

Францускиот голман Хуго Лорис се уште нема намера да го напушти Тотенхем.

Лорис пристигна во Тотенхем пред десет години од Лион за речиси 13 милиони евра и се покажа како вистински хит за лондонскиот клуб.

Иако има 35 години, сепак брани на одлично ниво во Тотенхем, но и во француската репрезентација. Затоа челните луѓе на лондонскиот клуб решија да му понудат нов договор на Лорис.

Тој имаше договор со Тотенхем до крајот на оваа сезона и се шпекулираше дека по десет години би можел да го напушти овој клуб, но тоа нема да се случи.

Тотенхем денеска потврди дека Лорис одлучил да го продолжи договорот до летото 2024 година.

✍️ We are delighted to announce that Hugo Lloris has signed a new two-and-a-half-year contract with the Club, which will run until 2024.

— Tottenham Hotspur (@SpursOfficial) January 21, 2022

Италијанскиот стручњак Антонио Конте пред неколку недели јасно им стави до знаење на челниците на Тотенхем дека сака Лорис да остане во клубот, а тие брзо реагираа и за неколку дена се беше решено.