Играше за 1 евро: Барселона го шокираше Дани Алвеш!

Вториот мандат на Дани Алвеш во Барселона привршува.

Мадридските медиуми пренесуваат дека Барселона веќе го шокирала Дани Алвеш и дека официјалната одлука ќе ја соопшти во наредните часови.

„AС“ наведува дека Барселона нема да го продолжи договорот за уште една година, што значи дека легендарниот бразилски дефанзивец ќе остане без клуб пред Мундијалот.

Се чинеше дека се е блиску до продолжување на соработката, особено откако Алвеш позираше во нов дрес за новата сезона.

Но, по продолжувањето на соработката со Серхио Роберт, и останувањето на Дест и извесното доаѓање на Цезар Аспиликуета, се создаде вистинска гужва на десната страна, па Алвеш стана вишок.

Чави исто така не може да му го гарантира местото на стартерот на својот поранешен соиграч, што значи дека 39-годишниот треба да ги спакува куферите.

Кога пристигна Алвеш играше за симболична плата од 1 евро, но неговиот втор мандат завршува по само шест месеци.

Десниот бек беше многу благодарен и корисен со 14 настапи во Ла Лига, но сепак на Ноу Камп решија да сметаат на помлади опции.