Иниеста призна дека имал големи проблеми со депресијата

Андрес Иниеста, еден од најдобрите играчи од средниот ред на сите времиња, најдобрите денови од својата кариера ги поминал во Барселона, а во моментов игра во Јапонија.

Иниеста е дете на Барселона и еден од играчите на „Ла Масија“, кој им даде многу радувања на навивачите на овој клуб, но исто така и на навивачите на репрезентацијата на Шпанија. Со право може да се рече дека тој е една од најдобрите играчи од средниот ред во историјата, а на неговите магични потези сѐ уште се восхитуваме.

Иако со Барселона и Шпанија, освои се што можеше да се освои, имаше и денови во неговата кариера, кога ни малку не му беше лесно. Иниеста призна дека има проблеми со депресија пред девет години во сезоната 2009/10. По одличната сезона 2008/09. кога Барса освои тројна круна.

„Се започна откако освоивме тројна круна со Барселона. Тој период за мене беше многу тежок и навистина се борев со депресија. Беше многу долг ден кога само одвај чекав да го завршам натпреварот или тренингот и да си одам дома. Пиев и некои апчиња што ми овозможија одмор кој навистина ми требаше“, рече Иниеста.

Инеста во период од 2002 до 2018 година, за Барселона одигра 442 натпревари и постигна 35 гола.