Интер донесе уште еден напаѓач
Искусниот напаѓач Фелипе Каиседо денеска и официјално потпиша за Интер.
33-годишниот фудбалер летово по четири години го напушти Лацио и реши кариерата да ја продолжи во Џенова, но во клубот остана само шест месеци.
Пред десетина дена се појавија шпекулации дека Каиседо бил на мета на Интер, кој испратил официјална понуда за него, а очигледно е дека искусниот напаѓач не можел да одбие.
Иако Интер ги има на располагање Един Џеко, Лаутаро Мартинез, Алексис Санчез и Хоакин Коре, очигледно е дека сака дополнително да го засили нападот.
Клубот од Меаца денеска потврди дека Каиседо е нов играч на овој клуб и дека пристигнал на позајмица до крајот на оваа сезона.
🚨 | ANNUNCIO@FelipaoCaicedo è un nuovo giocatore dell'Inter! ⚫🔵🇪🇨
👉https://t.co/irshdUzsXt#WelcomeFelipe #IMInter pic.twitter.com/Nr5gxn0bJS
— Inter ⭐⭐ (@Inter) January 29, 2022
Каиседо ќе биде резервна опција во нападот на Интер, но јасно е дека ќе се обиде да му се наметне на Симоне Инзаги со кого соработуваше со многу успеси во Интер.
Напаѓачот потекнува од Рокафуерте од Еквадор, а во кариерата настапуваше и за Базел, Манчестер Сити, Спортинг, Малага, Леванте, Локомотив Москва, Ал Џезира, Еспањол и Лацио.
