Интер го принуди Лукаку да се извини поради „долгиот јазик“

Ромелу Лукаку беше принуден да се извини, откако изјави дека дури 23 од 25-те играчи на Интер биле болни на крајот на јануари.

Во интервју во живо преку Инстаграм, Лукаку сподели некои неверојатни информации.

„Имавме слободна недела во декември, се вративме на работа и се колнам 23 од 25 играчи беа болни. Не се шегувам. Игравме против Каљари и по околу 25 минути еден од нашите бранители мораше да го напушти теренот. Не можеше да продолжи и речиси се онесвести “, рече Лукаку.

Откако ја слушнаа оваа изјава во клубот, Белгиецот веднаш беше замолен да се извини. Големиот напаѓач го стори тоа, а Нероаѕурите го прифатија извинувањето.

Иако тој го наруши клупскиот кодекс, тој нема да биде казнет.