Истрага за бројот на навивачи на аргентинското „Суперкласико“

Аргентински судски службеник најави истрага за да се утврди дали дозволениот број гледачи на стадионот „Ривера Монументал“ беше надминат во неделата на фудбалското „Суперкласико“ помеѓу Ривер Плата и Бока Јуниорс.

Имено, во петокот, 1убителите на фудбалот во Аргентина, по 18-месечна забрана поради коронавирус, конечно можеа да одат на стадионите, но со услов да примат барем една доза од вакцината, и дека 50 проценти од капацитетот на трибините да биде исполнет.

Стадионот „Монументал“ може да прими 72.000 гледачи, а аргентинските медиуми тврдат дека биле пополнети повеќе од 50 проценти од капацитетот на трибините, што би изнесувало 36.000.

Така, најпродаваниот дневен весник „Ла Насион“ пишува дека според она што е видено во ТВ преносот, на стадионот имало помеѓу 54.000 и 57.600 гледачи, а спортскиот весник „Оле“ проценува дека имало помеѓу 52.000 и 53.000 гледачи.

Мечот заврши со победа на Ривер Плата 2:1, а двата гола ги постигна Хулијан Алварез (25, 43), додека за Бока, утешен гол постигна Карлос Замбрано (90 + 6). Сепак, треба да се каже дека Бока имаше играч помалку во 16. минута, бидејќи дефанзивецот Маркос Рохо доби два жолти картони.