Италијанците апелираат: Ве молам, не доаѓајте затоа што не сакаме повторно да се умира

Англија и Украина ќе се сретнат во четвртфиналето на ЕУРО во сабота на Олимпико во Рим.

Навивачите на Англија можеби имаат проблеми со влегувањето на стадионот. Италијанците не заборавија што им се случи минатата година, тие не сакаат да се повторат проблемите со пандемијата на коронавирусот.

„Вие не доаѓате овде, не сакаме смрт“, е пораката на Италијанецот, додека британската коронавирусна пандемија продолжува да се влошува, а главната причина за тоа е таканаречената „делта“ варијанта, која рапидно се развива и во другите Европски земји.

Италијанците се сеќаваат на бројните случаи на коронавирус што се случија по пристигнувањето на навивачите на Валенсија на натпреварот од Лигата на шампионите во Бергамо за време на првиот бран на коронавирус.

Алесио Д’Амато, кој се занимава со здравствени проблеми во областа Лацио, призна во интервју за Ил Месаџеро дека не би сакал тоа да се повтори и смета дека ниту еден англиски навивач не треба да влезе на Олимпико во сабота и дека не треба да биде во Рим.

“Не може да се повтори, не сакам да бидеме во истата ситуација како минатата година. Нашата порака до Англичаните е едноставна. Не доаѓајте овде, не сакаме да се умира за фудбалски натпревар. Ние тука имаме петдневно правило за карантин, ако не сте пристигнале овде пред 28 јуни, ќе бидете испратени дома“, рече тој.

Клаудио Мастројани, раководител на одделот за инфективни болести во римска болница, се согласува.

Тој потсети на неодамнешниот пример на Шкотланѓани кои патувале во Англија на натпревар од нивната репрезентација, а повеќе од 2.000 од нив се вратиле дома со инфекција со коронавирус.

“Видовме што се случи во Шкотска. Ситуацијата во нашата земја се подобрува, болниците веќе не се пренатрупани, но толпата Англичани на нашите улици ја зголемува можноста за зголемување на бројот на инфекции”.

Еуро 2020 влегува во својата одлучувачка фаза. Четвртфиналните натпревари ќе се одржат во петок и сабота.