Јунајтед „невидлив“ на дерби, Тен Хаг: „Ќе се обидам да го решам проблемот“

Верувале или не, но полни две години Манчестер Јунајтед не победи тим на гостински терен кој се најде меѓу осумте најдобри на табелата во Премиер лигата.

Таа серија продолжи и на последниот натпревар, кога Јунајтед загуби со 1-0 од Њукасл.

„Го чекав ова прашање. Знам дека ваша работа е да го видите“, им рече менаџерот Ерик тен Хаг на новинарите по натпреварот.

Холанѓанецот верува во подобри денови.

„Проблемот е таму, ќе се обидам да најдам решение со мојот стручен тим“, рече Тен Хаг.

Јунајтед по 14 одиграни кола е седми на табелата во Премиер лигата, има 24 бода, што е девет бода помалку од лидерот Арсенал.