Јувентус и официјално исфрлен од Европа

УЕФА излезе со официјално соопштение во кое потврди дека торинскиот Јувентус нема да биде член на Лигата на конференцијата следната сезона. Причината за забраната е кршење на правилата за финансиски фер-плеј.

Дополнително, „Старата“ е казнета со 20 милиони евра, од кои 10 милиони се условни, доколку прекршокот се повтори во следните три сезони.

Во претходното издание на Серија А, Јувентус беше седмопласирана екипа, откако на „бјанконерите“ им беа одземени шест бода поради финансиски прекршоци. На теренот најтрофејниот италијански клуб се зацврсти на третата позиција, место кое ќе го однесе Јуве во Лигата на шампионите.

Треба да се нагласи дека Манчестер Сити, актуелниот шампион на Европа, не е казнет поради кршење на финансискиот фер-плеј со забрана за учество на натпревари под капата на УЕФА, туку само финансиски.

Ваквата одлука на УЕФА практично значи дека учество во ЛК ќе обезбеди следниот тим на табелата во Серија А од претходната сезона – тоа е Фиорентина, која првенството заврши на осмото место. „Виола“ која минатата сезона играше во финалето на Конференциската лига и загуби од Вест Хем, сега повторно ќе има можност да се натпреварува во најмладото европско клупско натпреварување.

Јувентус во официјалното соопштение соопшти дека сепак ги смета обвинувањата на УЕФА за лажни, но дека нема да се жали на одлуката. Практично, ваквата одлука е своевидна спогодба со европската куќа на фудбалот, која гарантира дека италијанскиот гигант ќе може да настапува во Европа почнувајќи од сезоната 2024/2025.

Останува да видиме како оваа одлука ќе влијае на изгледот на тимот предводен од Масимилијано Алегри.

Official UEFA statement confirms they have banned Juventus from competing in Conference League this year due to capital gains case. 🚨⚪️⚫️

€20m fine also been given, €10m of that is conditional based on financial results. pic.twitter.com/dNPWOeO7En

— Fabrizio Romano (@FabrizioRomano) July 28, 2023